ستیش کوشک فلم تیرے نام کا سیکوئل بنانے کے خواہاں

مشہور فلم ساز ستیش کوشک اپنی سپرہٹ فلم تیرے نام کا سیکوئل بنانا چاہتے ہیں۔

ستیش نے سنہ 2003 میں سلمان خان کو لے کر سپرہٹ فلم تیرے نام بنائی تھی۔فلم سے سلمان کا ہیئر اسٹائل کافی مقبول ہوا تھا اب ستیش تیرے نام کا سیکوئل بنانا چاہتے ہیں۔

ستیش نے کہا کہ 'مجھے پتہ ہے کہ لوگ اس فلم کا انتظار کررہے ہیں، میرے دماغ میں اس بارے میں کافی کچھ چل رہا ہے لیکن میں نے اس بارے میں ابھی تک سلمان سے مشورہ نہیں کیا ہے'۔

انھوں نے زمید کہا کہ' فلم تیرے نام میرے دل کے بہت قریب ہے۔میں سلمان کا شکر گزار ہوں کہ انہوں نے میرے تصور کی حمایت کی۔تیرے نام کے بعد میں ان کے ساتھ کوئی فلم نہیں بنا سکا تھا۔

ستیش ان دنوں فلم کاغذ بنا رہے ہیں۔فلم میں پنکج تریپاٹھی مرکزی کردار میں ہیں۔