رہنا ہے تیرے دل میں معصوم سی مسکراہٹ والی لڑکی کا کردار ادا کرنے والی دیا مرزا کی پیدائش 9 دسمبر کو 1981 میں حیدرآباد میں ہوئی۔
دیا کی ماں دپیا ایک بنگالی ہندو ہیں جبکہ ان کے والد فینک ہیڈریچ ایک جرمن گرافک ڈیزائنر تھے۔جب دیا چار سال کی تھی تب ان کے والدین نے علیحدگی کا راستہ اختیار کرلیا تھا۔
دیا مرزا کی 39 ویں سالگرہ جس کے بعد ان کی والدہ نے حیدرآباد کی ایک دکنی مسلم شخص احمد مرزا سے دوسری شادی کرلی تھی۔ دیا کو احمد مرزا سے اتنی محبت تھی کہ انہوں نے اپنے سوتیلے والد کی کنیت اپنائی اور اپنے نام کے آگے مرزا لکھنا شروع کردیا۔
آپ کو تو یاد ہی ہوگا کہ سنہ 2000 میں دیا نے مس انڈیا میں دوسرا مقام حاصل کیا تھا اور بعد میں انہوں نے مس ایشیاء پیسیفیک کا خطاب بھی اپنے نام کیا تھا۔ اس خطاب نے ہی انہیں بالی ووڈ کی جگمگاتی دنیا میں اپنا نام بنانے کا موقع دیا اور اس کے بعد سے انہوں نے کبھی پیچھے مڑ کر نہیں دیکھا۔
سنہ 2001 میں انہوں نے رہنا ہے تیری دل فلم سے بالی ووڈ میں قدم رکھا۔جس میں انہوں نے رینا ملہوترا کا کردار ادا کیا۔اس فلم میں دیکھائی گئی ریا کی معصومیت بالی ووڈ شائقین کو بہت پسند آئی اور آج بھی لوگ اس فلم کو دیکھنا پسند کرتے ہیں۔اسی فلم کے ذریعہ تمل اداکار مادھون نے بھی بالی ووڈ میں قدم رکھا تھا۔
اس فلم کے بعد دیا بالی ووڈ کے کئی مشہور چہروں کے ساتھ بڑے پردے پر نظر آئی۔سنہ 2001 میں انہوں نے ارجن رامپال کے ساتھ دیوانہ پن فلم میں کام کیا، وہیں سنہ 2002 میں تم کو نہ بھول پائیں گے میں سلمان خان کے ساتھ رومانوی انداز میں نظر آئیں۔لیکن 2003 میں ریلیز ہوئی فلم دم نے ریا کو راتوں رات مشہور کردیا تھا۔اس فلم میں وہ وویک ابرائے کے ساتھ مرکزی کردار میں نظر آئی تھی۔
سال 2005 کی فلم دس میں دیا سنجے دت، زاید خان اور ابھیشیک بچن کے ساتھ نظر آئی تھی۔اس کے بعد اداکارہ سنہ 2019 کی فلم تھپڑ میں نظر آئی۔
دیا مرزا نے 18 اکتوبر 2014 کو اپنے بزنس پارٹنر ساحل سانگا کے ساتھ شادی کے بندھن میں بندھ گئی۔حالانکہ یہ رشتہ زیادہ دن تک نہیں رہ پایا اور سنہ 2019 مین دونوں نے اپنے راستے الگ کرلئیے۔
دیا فلموں میں اداکاری کرنے کے علاوہ انہیں پروڈیوس بھی کرتی ہیں اور ہمیشہ اپنے سوشل میڈیا کے ذریعہ لوگوں کو ماحولیات کے تئیں بیدار کرتی رہتی ہیں۔
