فٹ رہنے کے لئے ورزش کررہے ہیں دھرمیندر

ہندی سنیما کے ہی مین دھرمیندر فٹ رہنے کے لئے فارم ہاؤس میں ورزش کررہے ہیں۔اداکار نے اپنے سوشل میڈیا اکاؤنٹ پر ایک ویڈیو بھی شیئر کی، جس میں وہ ورزش کرتے ہوئے نظر آرہے ہیں۔

دھرمیندر فلم انڈسٹری میں سرگرم نہیں ہیں وہ اپنا زیادہ تر وقت اپنے فارم ہاؤس میں ہی گزارتے ہیں اور وہیں سے ویڈیو بناکر شائقین کے درمیان شیئر کرتے ہیں ان کی ویڈیو کو مداح بے حد پسند کرتے ہیں اپنی ویڈیو میں کبھی وہ اپنے فارم ہاؤس میں اگنے والی سبزیاں دکھاتے ہیں تو کبھی درخت، جسے لوگ بہت پسند کرتے ہیں۔ انہوں نے سوشل میڈیا پر پھر سے ایک ویڈیو شیئر کی ہے۔

یہ ویڈیو دھرمیندر نے اپنے ٹویٹر اکاؤنٹ پر پوسٹ کی ہے۔ ویڈیو میں دیکھا جاسکتا ہے کہ وہ پہلے اپنا فارم ہاؤس دکھا رہے ہیں، پھر اپنے کمرے میں ہی ورزش کررہے ہیں۔ دھرمیندر کی ویڈیو ہمیشہ کی طرح سوشل میڈیا پر وائرل ہو رہی ہے اورشائقین اس پر کمنٹ کرکے اپنا ردعمل بھی ظاہر کررہے ہیں۔