اس ہفتے کی آخر میں دیپیکا نے اپنی یادوں کے خزانے سے ایک تصویر شیئر کی۔ یہ تصویر انہوں نے اپنے گھر والوں کے ساتھ لی ہے ۔اس تصویر کی خاص بات یہ ہے کہ اس میں عامر خان بھی بیٹھے ہوئے نظر آرہے ہیں۔
پرانی یادوں کو تازہ کرتے ہوئے دیپیکا نے تصویر کو اپنے انسٹاگرام پر شیئر کیا اور بتایا کہ یہ تصویر تب کی ہے جب وہ صرف 13 برس کی تھیں۔
اداکارہ نے اس خاص تصویر کے ساتھ مزیدار سرخی بھی لگائی ہے۔ انہوں نے لکھا ہے کہ یکم جنوری 2000 کی پرانی تصویر۔ میں 13 سال کی تھی اور شرما رہی تھی۔
دیپیکا نے مزید بتایا کہ وہ لنچ کررہے تھے، دہی چاول۔ میں بھوکی تھی جیسا کہ میں ہمیشہ رہتی ہوں۔ لیکن انہوں نے مجھے آفر نہیں کیا تھا اور میں نے بھی پوچھا نہیں۔
واضح رہے کہ دیپیکا لاک ڈاؤن کے نافذ ہونے کے شروعاتی دنوں سے ہی پرانی تصویروں کو شیئر کرکے لوگوں کے ساتھ اپنی زندگی کے انمول لمحات کو بانٹ رہی ہیں۔
