سنیما کسی ملک کی خوبصورتی کو ظاہر کرنے کا بہترین ذریعہ: ڈاکٹر سندیپ

اے اے ایف ٹی یونیورسٹی کے چانسلر ڈاکٹر سندیپ ماروا نے 13 ویں عالمی فلم فیسٹیول ئیڈا کے دوسرے دن کہا کہ دنیا کا ہر ملک چاہتا ہے کہ تمام ممالک کے لوگ ان کے ملک آئیں اور شوٹنگ کریں کیونکہ سنیما کسی ملک کی خوبصورتی اور ثقافت کو ظاہر کرنے کا ایک بہترین ذریعہ ہے۔

فلم وہ ذریعہ ہے جو دیکھنے والوں کو دوسرے ملک کو دیکھنے کے لئے راغب کرتا ہے۔ یہ سیاحت کو فروغ دینے کے لئے بھی کام کرتا ہے۔

اس موقع پر سلووینیا کے سفیر ڈاکٹر مرجان سینسن، چیئرمین ٹی اے آئی اسکل اینڈ ایجوکیشن راجن سہگل، ہالینڈ کے فلمساز فرہاد، اسکرین رائٹر کملیش پانڈے، فلم اداکار جسویندر گارڈنر، فلم ڈائریکٹر راجو پاریسکر اور فلم میکر برجیش رائے نے شرکت کی۔

آج کے سیمینار کا موضوع "سیاحت کو فروغ دینے کا ایک طاقتور طریقہ" تھا جس پر سب نے اپنے خیالات پیش کئے۔

ڈاکٹر مرجان سینسن نے کہا کہ سلووینیا ایک چھوٹا لیکن خوبصورت ملک ہے جو مغربی اور مشرقی یورپ کے وسط میں ہے، اسی وجہ سے لوگ یہاں آکر شوٹنگ کرنا پسند کرتے ہیں۔

ہالینڈ کے فرہاد نے کہا کہ کسی ملک میں جانا اور کورونا دور میں شوٹنگ کرنا بہت مشکل ہو رہا ہے، اس وقت ہمیں اپنے ملک کے خوبصورت مقام کو فروغ دینا چاہئے۔