شاہ رخ کے ساتھ کام کریں گی ثانیہ ملہوترا

فلم دنگل سے مشہور ہوئی اداکارہ ثانیہ ملہوترا اب کنگ خان کے ساتھ بڑے پردے پر اداکاری کرتے ہوئے نظر آسکتی ہیں۔

بالی وڈ اداکارہ ثانیہ ملہوترا کنگ خان شاہ رخ خان کے ساتھ کام کرتی نظر آ سکتی ہیں۔ ان دنوں شاہ رخ خان یش راج فلمز کی بینر تلے بننے والی فلم پٹھان میں کام کر رہے ہیں۔

بتایا جارہا ہے کہ پٹھان کی شوٹنگ مکمل کرنے کے بعد شاہ رخ خان فلمساز ایٹلی کی تھرلر فلم شروع کریں گے۔ 200 کروڑ کے بجٹ میں بننے والی اس تھرلر فلم میں ملک بھر سے فنکار سائن کئے جا رہے ہیں۔

بتایا جا رہا ہے کہ ایٹلی کی اس فلم میں شاہ رخ خان کے ساتھ جنوبی ہند کی اداکارہ نین تارا اہم کردار میں نظر آئیں گی جن کی یہ پہلی بالی وڈ فلم ہے۔ کہا جا رہا ہے کہ نین تارا کے بعد شاہ رخ خان کی فلم میں ثانیہ ملہوترا کی بھی نظر آسکتی ہیں۔

یو این آئی