اسکرپٹ رائٹر بنیں روینہ ٹنڈن

بالی وڈ کی مشہور اداکارہ روینہ ٹنڈن اب اسکرپٹ رائٹر بن گئی ہیں اور انہوں نے چار نئے پروجیکٹس کی کہانیاں لکھی ہیں۔

روینہ جلد ہی اسکرین پلے رائٹنگ کے اپنے خفیہ ٹیلنٹ کو دنیا کے سامنے لانے کے لئے بالکل تیار ہیں۔ انہوں نے اپنے بینر اے اے فلمز کے لئے چار اسکرپٹ لکھی ہیں اور اپنی خوشی ظاہر کرتے ہوئے انہوں نے بتایا کہ یہ چاروں کہانیاں ڈیجیٹل پلیٹ فارم کے لئے ہیں۔

روینہ یہ جاننے کے لئے کافی پرجوش ہیں کہ ویب شو پر لوگوں کو کس قسم کی رائٹنگ پسند آتی ہے۔ انہوں نے کہا ’’ہم اپنی کہانی فلور پر لے جانے کی تیاری کر رہے ہیں اور یہ سبھی ویب پلیٹ فارم کے لئے ہیں۔
میرے خیال میں یہ میڈیم بہت اچھا ہے ، ہم یہاں تجربات کرسکتے ہیں اور ہمارے پاس یہاں کرنے کے لئے بہت کچھ ہوتا ہے۔یہ آپ کو اپنی کہانی کہنے کی آزادی دیتا ہے اور ساتھ ہی اس میں دو گھنٹے کی پابندی بھی نہیں ہوتی۔ یہ بہت زیادہ حوصلہ افزائی کرنے والی جگہ ہے۔