بھومی پیڈنکر اپنی ماں کے ساتھ ہائیڈروپونک فارمنگ میں مشغول

بالی ووڈ اداکارہ بھومی پیڈنکر اپنے خود ساختہ علیحدگی اختیار کرتے ہوئے ان دنوں اپنی والدہ کے ساتھ مل کر ہائیڈروپونک فارمنگ کرکے لطف اندوز ہورہی ہیں۔

بالا فلم کی اداکارہ بھومی پیڈنکر ان دنوں باغبانی کرتے ہوئے نظر آرہی ہیں۔اداکارہ نے لاک ڈاؤن کے اس وقت کا فائدہ اٹھاتے ہوئے ہائیڈروپونک باغبانی کرنے کا فیصلہ لیا ہے۔جس میں ان کی مدد ان کی والدہ سمیترا پڈنیکر کررہی ہیں۔

پتی پتنی اور وہ کی اداکارہ نے ہائیڈروپونک فارمنگ کے بارے میں بات کرتے ہوئے بتایا کہ میں اور میری ماں ہمیشہ سے ہائیڈروپونک باغ رکھنے کے خواہشمند تھے، جہاں ہم خود کی سبزیاں اگا پائیں اور پائیدار طرز زندگی گزار سکیں۔ہم چاہتے تھے کہ گھر میں ایک باغ ہو اور ہم دونوں یہ کرکے کافی خوش ہیں۔

بھومی ہمیش سے ماحولیاتی تحفظ کے تعلق سے آن لائن یا آف لائن بیداری مہم چلاتی آئی ہیں۔اور اس خصوصی اقدام کے تحت وہ بھارتی شہریوں کو آب و ہوا کے تحفظ کے تعلق سے بیدار کرنے میں اہم کردار ادا کررہی ہیں۔

اداکارہ نے مزید کہا کہ میں نے اس قرنطینہ اختیار کرنے کے دوران ہائیڈروپونک سائنس اور ماحولیات کے تحفظ کے اصلی معنی کو سمجھا ہے۔اس دوران میں اپنی ماں کے ساتھ مل کر کام کررہی ہوں۔ مجھے بے حد خوشی محسوس ہورہی ہےکہ اس باغ سے ہمیں ہفتے میں دو دن مجھے غذائیت سے بھرپور غذا ملے گی۔