'کے آر کے خلاف مقدمہ درج کر سلمان خان نے اچھا کیا'

کے آر کے کے خلاف قانونی کارروائی کرنے پر سپر اسٹار سلمان خان کی تعریف کرتے ہوئے گلوکار میکا سنگھ نے کہا ہے کہ "مجھے خوشی ہے کہ سلمان بھائی نے انھیں سبق سکھایا"

بالی ووڈ سپر اسٹار سلمان خان کے وکلا نے جمعرات کو کہا کہ کمال آر خان کے خلاف دائر کیا گیا قانونی مقدمہ اس لیے نہیں کیا گیا ہے کہ انہوں نے فلم رادھے کا ریویو کیا ہے بلکہ اداکار کے خلاف توہین آمیز الزامات عائد کرنے کی وجہ سے مقدمہ درج کیا گیا ہے۔

وہیں، کے آر کے کے خلاف قانونی کارروائی کرنے پر سپر اسٹار سلمان خان کی تعریف کرتے ہوئے گلوکار میکا سنگھ نے کہا ہے کہ "مجھے خوشی ہے کہ سلمان بھائی نے انھیں سبق سکھایا" ۔

یہ مقدمہ اس لیے دائر کیا گیا ہے کیونکہ کمال نے سلمان کے خلاف توہین آمیز برتاؤ کیا ہے۔سلمان کا الزام ہے کہ کے آر کے سوشل میڈیا پلیٹ فارم پر مسلسل بالواسطہ اور بلاواسطہ طریقے سے ہتیک آمیز ویڈیو بناتے ہیں اور اسے پوسٹ کرتےہیں۔اداکار چاہتے ہیں کے کے آر کے ان پوسٹ کے خلاف کورٹ مستقل پابندی عائد کرنے کا حکم جاری کرے۔