Alia Bhatt Shares Throwback Pics: گنگوبائی کے 100 کروڑ کے کلب میں شامل ہونے کی خوشی میں عالیہ نے کچھ تصاویر شیئر کیں

عالیہ بھٹ ان دنوں فلم گنگوبائی کاٹھیاواڑی کی زبردست کامیابی کا جشن منا رہی ہیں۔ ان کی فلم گنگوبائی کاٹھیاواڑی 100 کروڑ روپے کے کلب میں جگہ بناچکی ہے۔ جمعرات کے روز اداکارہ نے اپنے انسٹاگرام ہینڈل پر فلم گنگوبائی کو پیار دینے کےلیے اپنے مداحوں کا شکریہ ادا کیا اور ساتھ میں رومانیہ کے سفر کے دوارن لی گئی کچھ پرانی تصاویر بھی شیئر کیں۔ Alia Bhatt Shares Throwback Pics

فلمساز سنجے لیلا بھنسالی کی حال ہی میں ریلیز ہونے والی شاندار فلم گنگوبائی کاٹھیاواڑی، جس میں عالیہ بھٹ مرکزی کردار میں ہیں، نے بھارتی باکس آفس پر 100 کروڑ روپے کا ہندسہ عبور کر لیا ہے۔25 فروری کو ریلیز ہونے والی اس فلم نے وبائی امراض کے آغاز کے بعد سے بالی ووڈ کی تیسری سب سے زیادہ کمائی کرنے والی فلم بن گئی ہے۔ Alia Bhatt Shares Throwback Pics

جمعرات کو اپنے انسٹاگرام ہینڈل پر عالیہ نے مداحوں کی طرف سے ملنے والی محبت کے لیے شکریہ ادا کیا۔ اس کے علاوہ اداکارہ نے رومانیہ میں لی گئی کچھ پرانی تصاویر بھی شیئر کیں۔ ان تصاویر میں وہ ویگن برگر سے لطف اندوز ہوتے ہوئے نظر آ رہی ہیں۔ اداکارہ نے کیپشن لکھا کہ 'گنگوبائی کو سنچری مبارک ہو اور ویگن برگر + فرائی ٹو عالیہ۔ آپ سب کی محبتوں کا شکریہ۔' Alia Bhatt Shares Pics From Romania

ہندوستانی فلمی نقاد اور تجارتی تجزیہ کار ترن آدرش نے بدھ کے روز اعدادوشمار شیئر کرتے ہوئے بتایا کہ یہ فلم وبائی امراض کے بعد 100 کروڑ کی کمائی کرنے والی چوتھی ہندی فلم بن گئی ہے۔ Gangubai Box Office Collection

انہوں نے ٹویٹ کرتے ہوئے لکھا کہ ' گنگوبائی کاٹھیاواڑی نے بدھ کو سنچری بنالی ہے، یہ 100 کروڑ کمانے والی چوتھی ہندی فلم ہے۔ واضح رہے کہ اس سے پہلے سوریہ ونشی، پشپا اور 83 دی فلم نے باکس آفس پر 100 کروڑ کی کمائی کی تھی۔