اداکارعلی فضل کی والدہ کا انتقال

بالی ووڈ اداکارعلی فضل کی والدہ کا بدھ کی صبح انتقال ہو گیا وہ طویل عرصے بیمار تھیں تا ہم اچانک ان کی طبیعت بگڑ گئی اور انہوں نے لکھنؤ میں آخری سانس لی۔

علی فضل نے اپنے درد کا اظہار سوشل میڈیا پر کیا ہے، انہوں نے ٹویٹ کرتے ہوئے کہا کہ 'میں آپ کے لیے زندہ رہوں گا، آپ کی یاد آئے گی اماں، یہیں تک ہمارا ساتھ تھا، پتہ نہیں کیوں، آپ میری تخلیقی صلاحیتوں کی وجہ تھیں، میرا سب کچھ تھیں، مزید الفاظ نہیں ہیں۔

بشکریہ ٹویٹر

علی فضل کے ترجمان نے اس کی اطلاع دیتے ہوئے بتایا کہ 'ہمیں یہ کہتے ہوئے دکھ ہے کہ علی فضل کی والدہ کا 17 جون کی صبح انتقال ہوگیا، وہ اچانک فوت کر گئیں، ان کی روح کے سکوں کے لیے دعا کرتے ہیں۔

علی فضل نے اپنے مداحوں کا شکریہ ادا کیا، جنہوں نے اس مشکل وقت میں ان کا ساتھ دیا ہے، اتنے بڑے نقصان کے بعد سکون کی ضرورت ہے، علی نے اپنے مداحوں اور میڈیا سے کچھ رازداری کا مطالبہ کیا ہے۔