انل کپور کے قابل اعتراض لفظ پر فضائیہ کو اعتراض

بالی وڈ اداکار انل کپور کے آنے والے پروجیکٹ 'اے کے ورسیس اے کے' پر فضاضیہ فوج نے اعتراض کیا ہے۔ نیٹ فلیکس پر آنے والی پروجیکٹ 'اے کے ورسیس اے کے' میں انل کپور فضائیہ فوج کے لباس پہنے نظر آرہے ہیں۔ جس پر فضائیہ نے ان کے لباس اور ان کے ذریعے استعمال کیے ڈائیلاگ پر اعتراض کیا ہے۔

اس ٹریلر میں فضائیہ کی وردی میں ملبوس انل کپور ہدایت کار انوراگ کشیپ کے ساتھ قابل اعتراض لفظوں کا استعمال کر رہے ہیں۔

جس پر فضائیہ فوج کی جانب سے ٹویٹ کر کہا ہے کہ 'اس ویڈیو میں ایئر فورس کی وردی کو غلط طریقے سے پہنے ہوئے دکھایا گیا ہے اور اس میں جس طرح کی زبان استعمال کی گئی ہے وہ قابل اعتراض ہے۔ یہ ملک کی افواج کے رویے کے مطابق نہیں ہے۔ متعلقہ مناظر کو ہٹانے کی ضرورت ہے۔'

ٹویٹ

غورطلب ہے کہ 'اے کے ورسیس اے کے' کا حال ہی میں ٹریلر جاری کیا گیا تھا۔ اس فلم کے پرموشن کے چلتے انل کپور اور انوراگ کشیپ کے درمیان سوشل میڈیا پر بحث دیکھنے کو ملی تھی، جس میں دونوں ایک دوسرے کو ٹویٹ کر رہے تھے۔

واضح رہے کہ فضائیہ نے اس سے پہلے بھی 'گنجن سکسینہ - دی کارگل گرل' کے سلسلے میں اعتراض کیا تھا۔