گذشتہ دنوں ریا چکرورتی نے ایک ٹیلی ویژن چینل پر انٹرویو کے دوران سوشانت کے اہل خانہ پر کچھ الزامات عائد کیے تھے، جس کے بعد آنجہانی اداکار سوشانت سنگھ راجپوت کے اہل خانہ کی نمائندگی کرنے والے سینئر وکیل وکاس سنگھ نے ایک ٹویٹ کیا۔
سنگھ نے اپنے غیر تصدیق شدہ ٹویٹر اکاؤنٹ سے جمعہ کو ٹویٹ کیا۔ جس میں انہوں نے لکھا 'مجھے پختہ یقین ہے کہ قانون سے متصادم لوگوں کو میڈیا میں بولنے سے روکنا چاہئے۔ کیونکہ اگر وہ بے قصور ہیں تو ان کی ساکھ خراب ہوجاتی ہے اور اگر وہ قصوروار ہیں تو انھیں غیر مناسب نظریہ فراہم ہوتا ہے'۔
ان کا یہ ٹویٹ ریا چکرورتی کے انٹرویو کے ایک روز بعد آیا۔ سوشانت کی گرل فرینڈ ریا نے انٹرویو میں مرحوم اداکار کے اہل خانہ کے خلاف کچھ الزامات عائد کیے تھے۔
ان الزامات پر رد عمل کا ظاہر کرتے ہوئے سوشانت کی بہن شویتا سنگھ کیرتی نے جمعہ کے زور اپنے غیر تصدیق شدہ اکاؤنٹ سے ٹویٹ کیا۔
انہوں نے کہا 'جیسا کہ ریا نے اپنے انٹرویو میں ذکر کیا تھا، ہم اپنے بھائی سے پیار نہیں کرتے تھے! ہاں ٹھیک ہے، شائد یہی وجہ ہے کہ میں نے امریکہ سے بھارت آنے کا فیصلہ کیا۔ جنوری میں مجھے جیسے ہی معلوم ہوا کہ بھائی کی حالت ٹھیک نہیں ہے اور وہ مسلسل چندی گڑھ کا دورہ کر رہا ہے اور اس کی حالت بہتر نہیں ہو پا رہی ہے، میں اپنے کاروبار، بچوں کو چھوڑ کر بھارت آئی۔ ہیش ٹیگ گاڈ از ود اس۔
یہ بھی پڑھیے
ریا چکرورتی فوٹو جرنلسٹس پر برہم کیوں ہوئیں؟
ایک دوسرے ٹویٹ میں شویتا نے ریا کو نشانا بنایا اور لکھا 'تم میں گٹس ہیں، تم نے نیشنل میڈیا چینل پر آکر میرے بھائی کی شبیہ کو خراب کرنے کی کوشش کی، تم سوچتی ہو کہ تمہیں بھگوان دیکھ نہیں رہا ہے، تم نے کیا کیا ہے! میں بھگوان پر بھروسہ کرتی ہوں اور مجھے یقین ہے، میں چاہتی ہوں کہ دیکھوں کے بھگوان تمہارے ساتھ کیا کرتا ہے، ہیش ٹیگ گاڈ از ود اس، جسٹس فار سوشانت سنگھ۔
