بالی ووڈ کی معروف اداکارہ نمی نے 16 برس تک فلموں میں کام کیا۔ سنہ 1949 سے لے کر سنہ 1965 تک وہ فلموں میں سرگرم رہیں۔ وہ اپنے وقت کی بہترین اداکارہ سمجھی جاتی تھیں۔
نمی کا اصل نام 'نواب بانو' تھا۔ نمی نے ایس علی رضا سے شادی کی تھی، جو سنہ 2007 میں فوت ہو گئے تھے۔
راج کپور نے نمی کو اپنی فلم میں بریک دیا تھا۔ نمی کو راج کپور کی پہلی دریافت بھی کہا جاتا ہے۔
اطلاعات کے مطابق راج کپور نے نواب بانو کا نام بدل دیا تھا۔ راج کپور نے انہیں اپنی فلم برسات میں بریک دیا۔ اس فلم کے ہٹ ہونے کے بعد نمی نے بہت سی فلموں میں کام کیا۔
انہوں نے ان اُڑن کھٹولا، بھائی بھائی، کندن، میرے محبوب جیسی فلموں میں کام کرکے مقبولیت حاصل کی۔
ابتدائی دنوں میں ان کی بہت زیادہ مانگ تھی۔ کہا جاتا ہے کہ دلیپ کمار سے راج کپور، اشوک کمار، دھرمیندر جیسے بہت سے بڑے اسٹار ان کے ساتھ کام کرنے کے خواہشمند تھے۔ مشہور فلم ڈائریکٹر مہیش بھٹ نے بھی ٹویٹ کرکے نمی کی موت پر خراج تحسین پیش کیا ہے۔
