ریاست اتر پردیش کے ضلع غازی آباد کے ایک چھوٹے سے قصبے مراد نگر سے تعلق رکھنے والی اداکارہ ہیما شرما نے بھارتی فلم انڈسٹری میں کام کرکے اپنی ایک الگ پہچان بنائی ہے۔
اداکارہ ہیما شرما سے ای ٹی وی بھارت کی خصوصی گفتگو
اداکارہ ہیما شرما نے ای ٹی وی بھارت سے خصوصی گفتگو کرتے ہوئے کہا کہ وہ ایک چھوٹے سے شہر مراد نگر میں پیدا ہوئی، جہاں سے انہوں نے اپنی تعلیم مکمل کی۔ بچپن میں ہی انہوں نے کتھک اور بھرتناتیم سیکھ لیا تھا۔ ان کی خواہش تھی کہ وہ اداکارہ بنیں۔
انہوں نے بتایا کہ وہ کوریوگرافر بننے ممبئی گئی تھیں لیکن ان کے فیس لُک کو دیکھ کر لوگوں نے مشورہ دیا کہ وہ بطور اداکارہ بھی کام کرسکتی ہیں، جس سے ان کے اعتماد میں مزید اضافہ ہوا۔