اداکار فیصل خان اجمیر شریف درگاہ پہنچے

اداکار عامرخان کے بھائی فیصل خان نے اجمیر شریف درگاہ میں زیارت کرکے اپنی آنے والی فلموں میں کامیابی کے لیے دعا بھی مانگی۔

بالی ووڈ فلم ’میلا ‘ سے اپنی فلمی دنیا کا آغاز کرنے والے عامر خان کے بھائی اداکار فیصل خان اجمیر شریف درگاہ پہنچے جہاں انہوں نے اپنے قریبی دوستوں کے ساتھ خواجہ غریب نواز کی بارگاہ میں عقیدت کی چادر اور پھول پیش کیے۔

بھائی عامر خان کے ساتھ کندھے سے کندھا ملا کر کام کرنے والے فیصل خان نے غریب نواز کی درگاہ میں اپنے خاندان کی طرف سے عقیدت کی چادر پیش کی اور اپنی آنے والی دو نئی فلمیں ’فیکٹری‘ اور ’ڈینجر‘ کی کامیابی کے لیے دعا مانگی ہے۔

فیصل خان کے مطابق آئندہ برس یہ دونوں فلمیں ریلیز ہونگی، اس کے علاوہ فیصل خان نے کہا کہ ان کی اسکرپٹ کے مطابق کئی بڑے اسٹارز کو بھی اپنے ساتھ جوڑ کر آگے فلمیں بنائیں گے۔

فی الحال خواجہ غریب نواز کے فضل وکرم سے ان کا کام بہت اچھا چل رہا ہے اور ان شاء اللہ آگے بھی کامیابی ملتی رہے گی

فیصل خان اور ان کے سبھی ساتھیوں کو اجمیر شریف درگاہ کے خادم سید ابوطالب چشتی نے زیارت کرائی اور دستار بندی کر سب کو تبارک نظر کیا۔