ابھیشیک نے اپنے کیریئر کا آغاز سال 2000 میں ریلیز فلم جسے جےپی دتہ نے ڈائریکٹ کیا تھا، فلم 'ریفیوجی' سے کیا تھا۔ اسی فلم میں ان کے اپوزٹ کرینہ کپور تھیں جو کہ ان کی بھی پہلی فلم تھی۔
اگرچہ یہ فلم باکس آف پرکوئی خاص کمال نہیں دکھا سکی لیکن ابھیشیک کی اداکاری کو ضرور پسند کیا گیا۔ اس فلم کے بعد ابھیشیک نے تیرا جادو چل گیا، ڈھائی اکشر پریم کے، بس اتنا سا خواب ہے، ہاں میں نے بھی پیار کیا ہے، شرارت، ممبئی سے آیا میرا دوست، میں پریم کی دیوانی ہوں، اوم جے جگدیش، ایل او سی کارگل، کچھ نہ کہو جیسی فلموں میں کام کیا لیکن ان میں سے کوئی بھی فلم باکس آفس پر کامیاب نہیں رہی۔
ابھیشیک اس برس نئی فلم 'بگ بل' میں نظر آئیں گے سال 2003 میں ابھیشیک کی فلم 'زمین' ریلیز ہوئی۔ اس فلم میں ابھیشیک کے علاوہ اجے دیوگن کا بھی اہم کردار تھا۔ فلم کو باکس آفس پر اوسط کامیابی ملی۔
سال 2004 میں آئی فلم 'یوا' ابھیشیک بچن کے کیریئر کی اہم فلم ثابت ہوئی۔ اس فلم میں ابھیشیک کا کردار گرے شیڈ کے لیے ہوا تھا، لیکن وہ ناظرین کو مسحور کرنے میں کامیاب رہے۔ اس فلم کے لیے انہیں بہترین معاون اداکار کا فلم فیئر ایوارڈ بھی دیا گیا۔
سال 2004 میں آئی فلم 'دھوم' ابھیشیک کے کیریئر کی پہلی سپر ہٹ فلم ثابت ہوئی۔ یش راج بینر تلے بنی اس فلم میں ابھیشیک اور اودے چوپڑا کی جوڑی ناظرین کے درمیان کافی پسند کی گئی۔
ابھیشیک اپنی آئندہ فلم 'باب بسواس' کی شوٹنگ کے دوران سال 2005 میں آئی فلم بنٹی اور ببلی ابھیشیک کے کیریئر کی ایک اور سپر ہٹ فلم ثابت ہوئی۔ یش راج بینر تلے بنی اس فلم میں ابھیشیک کی جوڑی رانی مکھرجی کے ساتھ کافی پسند کی گئی۔ اس فلم کے لیے ابھیشیک بہترین اداکار کے فلم فیئر ایوارڈ کے لیے نامزد بھی کئے گئے۔
سال 2005 میں آئی فلم 'سرکار' ابھیشیک کے کیریئر کی اہم فلموں میں شمار کی جاتی ہے۔ رام گوپال ورما کی ہدایت میں بنی اس فلم میں ابھیشیک نے اپنے والد امیتابھ کے ساتھ کام کیا۔
امیتابھ جیسے بڑے آرٹسٹ کی موجودگی کے باوجود ابھیشیک ناظرین کے درمیان وہ اپنا اثر چھوڑنے میں کامیاب رہے۔ اس فلم کے لیے ابھیشیک کو بہترین معاون اداکار کا فلم فیئر ایوارڈ بھی دیا گیا۔
میٹرو شہر کی زندگی پر مببنی 'لوڈو' بھی آنے والی ہے سال 2005 میں ابھیشیک کے کیریئر کی ایک اور سپر ہٹ فلم بلف ماسٹر ریلیز ہوئی۔ اس فلم میں ابھیشیک نے اپنی بہترین اداکاری سے ناظرین کو اپنا دیوانہ بنا دیا۔
سال 2006 میں ریلیز سپر ہٹ فلم 'کبھی الوداع نہ کہنا' کیلئے ابھیشیک بہترین معاون اداکار کے فلم فیئر ایوارڈ سے نوازے گئے۔
سال 2006 میں آئی فلم 'دھوم 2' بھی ابھیشیک بچن کے کیریئر کی سپر ہٹ فلموں میں شامل ہے۔ سال 2007 میں ابھیشیک کو منی رتنم کی فلم 'گرو' میں کام کرنے کا موقع ملا۔ سمجھا جاتا ہے کہ یہ فلم صنعتکار دھیرو بھائی امبانی کی زندگی پر بنائی گئی تھی۔
ابھیشیک نے اپنی سنجیدہ اداکاری سے ناظرین کا دل جیت لیا۔ اس فلم کے لیے ابھیشیک بہترین اداکار کے فلم فیئر ایوارڈ کے لیے نامزد کیے گئے۔
سال 2008 میں ابھیشیک بچن کی دوستانہ اور سرکار راج جیسی سپر ہٹ فلمیں ریلیز ہوئیں اور دونوں فلموں کے لیے وہ بہترین معاون اداکار کے لیے فلم فیئر ایوارڈ کے لیے نامزد کئے گئے۔
سال 2009 میں ابھیشیک نے فلم پروڈکشن کے میدان میں بھی قدم رکھ دیا اور فلم 'پا' بنائی۔ سال 2012 میں ریلیز سپر ہٹ فلم 'بول بچن' میں ابھیشیک نے زبردست مزاحیہ اداکاری سے ناظرین کو مسحور کر دیا۔
سال 2013 میں ابھیشیک کے کیریئر کی سب سے کامیاب فلم 'دھوم 3' ریلیز ہوئی۔ اس کے بعد ابھیشیک نے 'ہیپی نیو ایئر'، 'ہاؤس فل 3' اور 'من مرضیا' جیسی فلموں میں کام کیا۔ ابھیشیک ان دنوں فلم 'باب وشواس' اور لوڈو میں کام کر رہے ہیں۔
