روینہ ٹنڈن کے گاڑی کے سامنے آیا شیر، اداکارہ نے شیئر کی ویڈیو

اداکارہ روینہ ٹنڈن کی گاڑی کے سامنے اچانک شیر آگیا، جس کی ویڈیو اداکارہ نے سوشل میڈیا اکاؤنٹ انسٹاگرام پر شیئر کی ہے۔

بالی ووڈ اداکارہ روینہ ٹنڈں ان دنوں مدھیہ پردیش میں اپنے اہل خانہ کے ساتھ کافی اچھا وقت گزار رہی ہیں۔

اداکارہ نے باندھو گڑھ ٹائیگر ریزرو کے اندر ٹائیگر سفاری کا اپنے خاندان کے ساتھ لطف اٹھایا، اسی درمیان جب وہ مانیرگا سفاری سے واپس لوٹ رہی تھی، اسی وقت اچانک بیچ سڑک پر ایک شیر آگیا، جس کا نام بجرنگ بتایا جارہا ہے۔

اداکارہ نے ویڈیو شیئر کیا

اداکارہ روینہ ٹنڈن نے بجرنگ ٹائیگر کا ویڈیو بنا کر سوشل میڈیا پر شیئر کیا ہے۔تصویر شیئر کرتے ہوئے انہوں نے لکھا ہے کہ بجرنگ ٹائیگر جیسے ہی روڈ پر آیا، ٹرک ڈرائیور نے صبر سے کام لیتے ہوئے بریک لگا لیا اور جب تک شیر نے سڑک پار نہیں کیا، گاڑی کو وہاں سے آگے نہیں بڑھایا گیا۔

وہیں انہوں نے مزید لکھا کہ ریاستی حکومت ایسے راستوں سے ٹریفک کے دباؤ کو کم کریں، تاکہ جنگلی جانوروں کو سڑک پار کرنے میں آسانی ہوسکے۔