نئی دہلی: ایلون مسک کے زیر انتظام ایکس نے بدھ کو تصدیق شدہ تنظیموں کے لیے ایک نئے بیسک پیڈ ٹائیر کا اعلان کیا ہے، جو اب فی مہینہ 200 یا فی سال2,000 امریکی ڈالرس میں دستیاب ہے۔ ویریفائیڈ آرگنائزیشنز کے لیے بنیادی درجے اب انہیں مکمل رسائی کے لیے ہر ماہ 1,000 امریکی ڈالرس کی بجائے کچھ دیگر فوائد کے ساتھ گولڈ چیک مارک بیج دیتا ہے۔ کمپنی نے پوسٹ کرتے ہوئے جانکاری دی ہے کہ، "صارفین کو ایکس پر ترقی حاصل کرنے کے لیے ایڈ کریڈٹ اور ترجیحی تعاون ملتا ہے،"
- چھوٹے کاروباروں کے لیے:
رپورٹس کے مطابق، ایکس کا دعویٰ ہے کہ یہ نیا بیسک پیڈ ٹائیر چھوٹے کاروباروں کے لیے ڈیزائن کیا گیا ہے، جس میں کفایتی پلان کا امکان ہے کیونکہ پلیٹ فارم کاروباریوں کو زیادہ مہنگے پلان کی ادائیگی کے لیے راغب نہیں کر سکا ہے۔ دریں اثنا، ایکس پر یو آر ایلس سے سرخیوں کو ہٹانے کے بعد، پلیٹ فارم نے انہیں کچھ طریقوں سے ویب پر واپس شامل کرنا شروع کر دیا ہے۔ دی ورج کے مطابق، سرخیاں اور ویب سائٹ کے عنوان کے صفحات اب ان صفحات سے لنک تصاویر کے اوپر دکھائی دیتے ہیں۔