نئی دہلی: عالمی سمارٹ فون برانڈ Motorola نے بدھ کے روز ملک میں اپنے نئے کفائتی اسمارٹ فون کے لانچ کا اعلان کیا ہے جس میں 90Hz ریفریش ریٹ کے ساتھ 6.5 انچ کا IPS LCD ڈسپلے ہے۔ کمپنی نے ایک بیان میں کہا کہ نئے موٹو جی 13 کی قیمت 4 جی بی ریم + 128 جی بی اسٹوریج ویرینٹ کے لیے 9,999 روپے اور 4 جی بی ریم + 64 جی بی اسٹوریج ویرینٹ کے لیے 9,499 روپے ہے۔
یہ ڈیوائس دو کلر Matte Charcoal اور Lavender Blue میں آتا ہے اور یہ فروخت کے لیے 5 اپریل سے Flipkart، Motorola.in کے علاوہ معروف ریٹیل اسٹورز پر آن لائن اور آف لائن دستیاب ہوگا۔ ایک رپورٹ کے مطابق "اسمارٹ فون میں ایکریلک گلاس (PMMA) باڈی لگا ہوا ہے اور اس کا ڈیزائن انتہائی پتلا اور پریمیم ہے"- نیا فون بہتر کارکردگی کے لیے MediaTek Helio G85 پروسیسر سے تقویت یافتہ ہے، یہ 50MP کواڈ پکسل کیمرہ سسٹم کے ساتھ آتا ہے، جس سے صارفین تفصیلی تصاویر کھینچ سکتے ہیں، اور اس میں 8MP کا فرنٹ کیمرہ بھی لگا ہوا ہے۔