iQOO Z7 5G Smartphone Launch آئی کیو کے فون پر بھاری ڈسکاؤنٹ

آئی کیو زیڈ 7 5G اسمارٹ فون بھارت میں لانچ ہونے کے بعد سے کمپنی نے اپنے پچھلے فون کی قیمت میں بھاری ڈسکاؤنٹ کا اعلان کیا ہے۔

حیدرآباد: آئی کیو زیڈ 7 5G اسمارٹ فون بھارت میں لانچ کردیا گیا ہے۔ اس اسمارٹ فون کے لانچ ہوتے ہی کمپنی نے پچھلے فون کی قیمت میں بھاری ڈسکاؤنٹ کردی ہے۔ یعنی iQOO Z6 5G اب سستا ہو گیا ہے۔ کمپنی نے یہ ہینڈ سیٹ پچھلے سال لانچ کیا تھا۔ کمپنی نے Z6 5G کے مقابلے میں iQOO Z7 5G میں کئی تبدیلیاں کی ہیں۔ کمپنی نے نئے فون میں بہتر پروسیسر، برائٹر ڈسپلے اور کئی دوسرے فیچرز شامل کئے ہیں۔ اس کے علاوہ کمپنی نے اس فون میں OIS سپورٹ بھی دی ہے۔ اس فون کے لانچ ہونے کے ساتھ ہی iQOO Z6 5G سستا ہو گیا ہے۔ تو آئیے جانتے ہیں اس فون کی نئی قیمتیں اور خصوصیات۔

iQOO Z6 5G نئی قیمتیں

کمپنی اس فون کی قیمت میں 1000 روپے کی کمی کی ہے۔ اس ہینڈ سیٹ کو کمپنی نے 15,499 روپے کی ابتدائی قیمت پر لانچ کیا تھا۔ اب بھاری ڈسکاؤنٹ کے بعد، iQOO Z6 5G کا بیس ویرینٹ 14,499 روپے میں دستیاب ہے۔ جبکہ اس کے 6 جی بی ریم + 128 جی بی اسٹوریج ویرینٹ کی قیمت 15,999 روپے ہے۔

وہیں اسمارٹ فون کا ٹاپ ویریئنٹ 8 جی بی ریم + 128 جی بی اسٹوریج کے ساتھ 16,999 روپے میں دستیاب ہے۔ اس کے علاوہ، آپ HDFC بینک کارڈ اور ICICI بینک کارڈ پر 1000 روپے کی چھوٹ حاصل کر سکتے ہیں۔ iQOO Z7 5G کی قیمت 18,999 روپے سے شروع ہوتی ہے۔

فون کی تفصیلات

iQOO Z6 5G میں 6.58 انچ کا Full HD + IPS LCD ڈسپلے ہے۔ اسکرین 120Hz ریفریش ریٹ سپورٹ کے ساتھ آتی ہے۔ فون میں سیکیورٹی کے لیے سائیڈ ماونٹڈ فنگر پرنٹ سینسر دیا گیا ہے۔ ہینڈ سیٹ Qualcomm Snapdragon 695 پروسیسر پر کام کرتا ہے۔ اس میں 8 جی بی ریم اور 128 جی بی اسٹوریج ہے۔

آپٹکس کی بات کریں تو فون میں ٹرپل رئیر کیمرہ سیٹ اپ لگا ہوا ہے۔ اس میں 50MP مین کیمرہ، 2MP میکرو اور 2MP ڈیپتھ کیمرہ سینسر ہے۔ ساتھ ہی کمپنی نے فرنٹ میں 16MP سیلفی کیمرہ دیا ہے۔ ڈیوائس کو پاور دینے کے لیے، 5000mAh بیٹری کے ساتھ 18W کا چارجنگ سپورٹ دیا گیا ہے۔

اگر آپ مضبوط بیٹری اور اچھی کارکردگی کا مڈ رینج بجٹ میں فون چاہتے ہیں تو آپ اس فون کو آزما سکتے ہیں۔ قیمتوں میں کمی اور رعایت کے بعد، یہ فون اب تک کے سب سے سستے 5G فونز میں سے ایک ہے۔