ISRO Will Launch 36 Satellites: چھتیس ون ویب سیٹلائٹ 26 مارچ کو لانچ ہوں گے

اسرو 26 مارچ کی صبح برطانیہ میں قائم نیٹ ورک ایکسیس ایسوسی ایٹڈ لمیٹڈ (ون ویب) کے 36 سیٹلائٹس کو لانچ کرے گی۔ 36 OneWeb satellites will be launched on March 26: ISRO

چنئی: بھارتی خلائی ایجنسی نے پیر کو کہا کہ وہ 26 مارچ کی صبح برطانیہ میں قائم نیٹ ورک ایکسیس ایسوسی ایٹڈ لمیٹڈ (ون ویب) کے 36 سیٹلائٹس کو لانچ کرے گی۔ ایک ٹویٹ میں، انڈین اسپیس ریسرچ آرگنائزیشن (ISRO) نے بتایا کہ LVM3-M3/OneWebIndia-2 مشن: SDSC-SHAR، سری ہری کوٹا میں دوسرے لانچ پیڈ سے 26 مارچ 2023 کو IST رات کے 9 بجے لانچ ہوگا۔

LVM3-M3 اسرو کا ہیوی لفٹ راکٹ ہے۔ OneWeb کو بھارتی ٹیلی کام کے بڑے گروپ کی حمایت حاصل ہے اور 26 مارچ کو سیٹلائٹس کے کامیاب لانچ کے ساتھ، کمپنی اپنے Gen 1 گروپ کے عالمی نشان کو چھو لے گی۔

ون ویب کے مدار میں اب 582 سیٹلائٹ ہیں۔ جبکہ 26 مارچ کو نئے سیٹلائٹ کے لانچ ہونے کے بعد مدار میں سیٹلائٹ کل تعداد 618 تک پہنچ جانے کی امید ہے۔ کمپنی نے کہا ہے کہ گروپ کو مکمل کرکے OneWeb بھارت سمیت عالمی کوریج فراہم کرنے کی سمت میں ایک اہم قدم اٹھا رہا ہے۔ آئندہ ہونے والی لانچ OneWeb کے لیے 18ویں لانچ ہوگی۔

• ISRO's PSLV-C53 Mission: اسرو کا سیٹلائٹ کامیابی کے ساتھ لانچ

OneWeb کے چیئرمین سنیل بھارتی متل نے گزشتہ اکتوبر کو کہا تھا کہ ISRO کے تجارتی ادارہ، NewSpace India Limited (NSIL) نے OneWeb کے ساتھ دو مرحلوں میں 1,000 کروڑ روپے سے 72 سیٹلائٹس لانچ کرنے کے لیے ایک معاہدے پر دستخط کیے ہیں۔

واضح رہے کہ انڈین اسپیس ریسرچ آرگنائزیشن (اسرو) نے حال ہی میں سری ہری کوٹا سے PSLV-C53/DS-EO مشن کو کامیابی کے ساتھ لانچ کیا تھا۔ اس سے پہلے 14 فروری 2022 کو، اسرو نے سری ہری کوٹا سے PSLV-C52/EOS-4 مشن کا آغاز کیا تھا۔