دبئی میں پھنسے بیوی بچوں کو سنجے دت نے یاد کیا

بالی ووڈ کے ماچومین سنجے دت لاک ڈاؤن کے دوران اپنے گھر والوں کو بے حد یاد کررہے ہیں۔

سنجے اپنے کنبے سے دور ہیں اور اسی وجہ سے وہ اپنی بیوی اور بچوں کو یاد کررہے ہیں۔ سنجے نے اپنے کنبے کے ساتھ اپنی ایک تصویر شیئر کی ہے ، جسے شائقین بہت پسند کررہے ہیں۔ تصویر میں سنجے دت اپنی اہلیہ مانیتہ دت اور بچے شہران و اقرا کے ساتھ نظر آرہے ہیں۔

سنجے دت کی اہلیہ اور بچے اس وقت دبئی میں ہیں اور لاک ڈاؤن شروع ہونے کے وقت سے ہی وہیں پھنسے ہوئے ہیں۔ وہ لاک ڈاؤن سے پہلے وہاں گئے تھے لیکن اس کے بعدبین الاقوامی پروازیں بند ہونے سے سبھی دبئی میں ہیں۔

سنجے دت نے اپنے جذبات کو الفاظ دیتے ہوئے تصویر کے عنوان میں لکھا ’’مجھے ان کی بہت یاد آتی ہے۔ ہر کوئی جو اس وقت اپنے کنبہ کے ساتھ ہے، اس وقت سے لطف اٹھائیں‘‘۔