ہنی سنگھ پھر اپنے گانے کی وجہ سے خبروں میں

پنجابی گلوکار اور ریپر ہنی سنگھ پر مکھنا گانے میں بیہودہ الفاظ استعمال کرنے کی وجہ سے پنجاب پولیس نے مقدمہ درج کیا ہے۔

یہ مقدمہ لکھویندر کمار نے ضلع صاحب زادہ اجیت سنگھ نگر کے پولیس اسٹیشن میں درج کرائی ہے۔
واضح رہے کہ گلوکار کو اس گانے کی وجہ سے کچھ دن پہلے ہی پنجاب ومین کمیشن کی تنقید کاسامنا کرنا پڑا تھا۔

گانے میں خواتین کے جسم کے بارے میں بے ادبی کو دکھایا گیا ہے۔کمیشن کی چیئرپرسن منیشا گلاٹی نے پنجاب کی حکومت اور پولیس کے اعلی عہدے داروں کو خط میں مطالبہ کیا گیا ہے کہ ریپر کے خلاف کارروائی کی جائے۔گلاٹی کا کہنا ہے کہ ہنی سنگھ اپنے گانوں میں نہایتی بیہودہ اور فحش زبانوں کا استعمال کرتے ہیں۔یہ استعمال شدہ الفاظ خواتین کی بے ادبی کرتے ہیں۔انہوں نے مزید کہا کہ ہم چاہتے ہیں کہ ہنی سنگھ اور ٹی سیریز کی مینیجنگ ڈائیریکٹر بھوشن کمار کے خلاف کارروائی ہو۔واضح رہے کہ یہ پہلی دفعہ نہیں ہے گلوکار ہنی سنگھ اپنے گانوں میں ایسی زبان کا استعمال کیا ہے