بہار: مشتبہ حالت میں خاتون کی لاش برآمد

بہار میں ضلع دربھنگہ کے آدھار پور گاﺅں سے پولیس نے آج مشتبہ حالت میں ایک خاتون کی لاش برآمد کی ہے۔

پولیس کے مطابق آدھار پور گاﺅں کے باشندہ اور پان دکاندار دنیش تانتی کی اہلیہ اوشا دیوی (19) کی لاش اس کے گھر سے برآمد کی گئی ہے۔ اوشا دیوی کی شادی رواں برس مارچ مہینے میں دنیش کے ساتھ ہوئی تھی۔

متوفی کی ماں ایجوتیا دیوی نے اپنی بیٹی کو زہر کھلاکر مارڈ النے کا الزام اوشا کے شوہر اور ساس پر لگایا ہے ۔ متوفیہ کے شوہر اور اس کی ساس کو حراست میں لیکر تفتیش کی جارہی ہے۔

لاش کو پوسٹ مارٹم کے لیے دربھنگہ میڈیکل کالج اسپتال بھیج دیا گیا ہے ۔