زمینی تنازع میں فائرنگ، دو ہلاک، ایک کی حالت نازک

گوتم بودھ نگر میں دو افراد کے مابین معمولی تنازع میں فائرنگ کی وجہ سے دو افراد کی جان چلی گئی جبکہ ایک کی حالت تشویشناک بنی ہوئی ہے۔

اتر پردیش کے ضلع گوتم بودھ نگر کے بدلا پور تھانہ کے گردھر پور گاؤں میں معمولی تنازع اس وقت سنگین صورتحال اختیار کر گیا جب دوران تنازع فائرنگ ہونے سے دو افراد کی موت ہوگئی۔

پولیس نے موقع سے ایک فریق کی تین گاڑیاں قبضے میں لے لی ہے جبکہ تمام ملزمین فرار بتائے جا رہے ہیں۔

بتایا جا رہا کہ دیویندر اور بھورا نامی دو افراد کے مابین تنازعہ چل رہا تھا۔ گزشتہ روز گاؤں کے کچھ افراد تنازع کو حل کرانے کے لیے پہنچے اور فریقین کو آپسی سمجھ بوجھ سے حل کرنے کی درخواست کی۔

فریقین کے مابین بات چیت تنازع کی شکل اختیار کرگئی اور دیکھتے ہی دیکھتے دونوں فریق آپس میں لڑ پڑے۔ اس دوران دیویندر کی جانب سے لائسنس یافتہ ہتھیار سے فائرنگ کی گئی اور گولی لگنے کی وجہ سے پریم، سیلک اور امت نامی تین افراد زخمی ہوگئے۔ اس کے بعد تینوں ملزمین فرار ہوگئے-

اس معاملے میں پولیس نے مقدمہ درج کر کے تحقیقات کر رہی ہے۔