یہ معاملہ مرادآباد کے کٹ گھر ریلوے کے مشرقی پُل کے نیچے کا ہے۔
جہاں ایک لاوراث لاش کی اطلاع ملنے کے بعد جی آر پی اور آر پی ایف کے ساتھ پولیس اہلکار موقع واردات پر پہنچ گئے۔
مقامی لوگوں نے لاوراث لاش کی اطلاع پولیس کو دی۔
لوگوں نے یہ بھی الزام لگایا ہے کہ اطلاع دینے کے کئی گھنٹوں کے بعد جی آر پی اور آر پی ایف موقع پر پہنچی۔
لاش کی شناخت مقامی لوگوں سے کرانے کی کوشش کی گئی لیکن کامیابی نہیں ملی۔ اس کے کئی گھنٹے کے بعد لاش کو پوسٹ مارٹم کے لیے بھیجا گیا۔
مقامی افراد کا کہنا ہے کہ رام گنگا پر بنا پُل لوگوں کی موت کا سبب بنتا جا رہا ہے، چار دن قبل ہی ایک خاتون سیلفی لیتے ہوئے اس پل سے گر کر ہلاک ہوگئی تھیں۔
