کوشامبی: گانجے کے ساتھ دو اسمگلر گرفتار

چیکنگ کے دوران پولیس نے ایک کار سے 76 کلو گانجا برآمد کرکے اس معاملے میں دو اسمگلروں کو گرفتار کیا ہے۔

ریاست اترپردیش کے ضلع کوشامبی کے کوکھراج علاقے میں آج الہ آباد کانپور شاہراہ پر واقع سہوری ٹول پلازہ کراسنگ کے نزدیک چیکنگ کے دوران پولیس نے ایک کار سے 76 کلو گانجا برآمد کرکے اس معاملے میں دو اسمگلروں کو گرفتار کیا ہے۔

ریجنل افسر رام ویر سنگھ نے بتایا کہ مخبر کی اطلاع پر کوکھراج تھانے کی پولیس سہوری ٹول پلازہ کے نزدیک موجود تھی۔ پولیس نے سامنے سے آرہی ایک کار کو رکنے کا اشارہ کیا لیکن ڈرائیور نے کار کی رفتار تیز کرتے ہوئے فرار ہونے کی کوشش کی تبھی کار بے قابو ہوکر ڈیوائیڈر سے ٹکرا گئی اور پولیس نے گھیرا بندی کر کار کو اپنے قبضے میں کرلیا اور کار کے اندر بوریوں میں رکھا ہوا 76 کلو گانجا ضبط کر لیا۔

پولیس نے اس معاملے میں ڈرائیور آکاش کمار موریہ اور راکیش کمار سروج کو حراست میں لے کر پوچھ گچھ کی۔ ملزمین نے بتایا کہ گانجا اڑیسہ سے لا کر کوشامبی اور پریاگ راج میں فروخت کرنے کے لیے جارہے تھے۔ پولیس نے دونوں ملزموں کو گرفتار کرکے جیل بھیج دیا ہے۔