دھمتری میں دو بہنوں کی مبینہ خود کشی

ریاست چھتیس گڑھ کے ضلع دھمتری کے کورود تھانہ علاقہ میں آج صبح پھندہ پر لٹکتی دو سگی بہنوں کی لاشیں ملنے سے سراسیمگی پھیل گئی۔

دھمتری میں دو سگی بہنوں کی لاشیں ملنے سے علاقے میں سراسیمگی ہے۔ دونوں بہنوں کی لاشیں درخت پر لٹکی ہوئی ملی۔

پولیس ذرائع کے مطابق دونوں بہنوں نے اپنے گھر سے کچھ ہی دوری پر تالاب کے نزدیک پیڑ پر ایک ساتھ پھانسی لگا کرخود کشی کر لی۔

گاؤں ڈاہی کی دونوں بہنوں کانام انجو سونوالی(20)اور چندر کلا(22) ہے۔

ان دونوں نے خود کشی کیوں کی یہ ابھی معلوم نہیں ہو سکا ہے ۔

پولیس ابتدائی جانچ میں خود کشی کو معاملہ ہی مان رہی ہے۔پھر بھی معاملہ کی تفتیش کی جا رہی ہے ۔