نگر پنچایت چیئرمین کے گھر میں چوری

ریاست اترپردیش کے ضلع کشی نگر کے سیوہری نگر پنچایت چیئر مین کے گھر میں نامعلوم افراد لاکھوں کے زیورات اور دو لاکھ نقدی لے کر فرار ہوگئے۔

پولیس ذرائع نے سنیچر کو بتایا کہ پنچایت چیئرمین اور بی جے پی رہنما شیام سندر وشوکرما کے بنرہا موڑ واقع گھر دو لاکھ روپئے نقد اور تقریبا پانچ لاکھ روپئے کی مالیت کے زیورات اور دیگر قیمتی سامان لےکر فرار ہوگئے۔

بتایا جاتا ہے کہ چیئرمین نے بیٹی کی شادی کے لئے سامان خریدا تھا۔

جمعہ کی دیر شام چوری کا پتہ اس وقت چلا جب ان کی بیوی کمرے میں چراغ جلانے گئی۔

چیئرمین وشوکرما نے بتایا کہ گھر میں بیٹی کی شادی کے لئے دو لاکھ روپئے نقد اور تقریبا پانچ لاکھ روپئے کے زیور سمیت دیگر قیمتی سامان رکھے ہوئے تھے۔

اہل خانہ نے واردات کی تھانے میں تحریری شکایت درج کرائی ہے۔

پولیس معاملے کی جانچ کررہی ہے۔