سہارنپور: سونے کی دکان سے لاکھوں کی چوری

ضلع سہارنپور میں سرساوہ تھانہ علاقہ کے سورانہ قصبہ میں گزشتہ رات تین بجے صراف کی دکان میں چوری کے واقعہ کو انجام دیا گیا، جس میں لاکھوں روپے کی قیمت کے سونے چاندی کے زیورات کو چرا کر چور فرار ہوگئے۔

ریاست اترپردیش کے ضلع سہارنپور میں چوروں نے گزشتہ رات صرافہ کاروباری کی دکان کے شٹر کو توڑ کر لاکھوں کے زیورات پر ہاتھ صاف کیے۔

چوری کا یہ واقعہ سرساوہ تھانہ علاقہ کے سورانہ قصبہ میں پیش آیا، ذرائع کے مطابق گزشتہ رات تین بجے صراف کی دوکان میں چوری کے واقعہ کو انجام دیا گیا، جس میں لاکھوں روپے کی قیمت کے سونے چاندی کے زیورات کو چرا کر چور فرار ہوگئے۔

دکان مالک پڑوسیوں کی جانب سے چوری کی اطلاع دینے کے بعد دوکان مالک نے دوکان کی حالت کو دیکھ ششدر رہ گیا اور فورا اس کی اطلاع پولیس کو دی، پولیس کو چوری کی اطلاع موصول ہوتے ہی موقع واردات پر پہنچ کر پولیس نے رپورٹ درج کرکے تحقیق شروع کردی ہے۔