بیوی کی ناک کاٹ کر شوہر فرار

ریاست مدھیہ پردیش کے ضلع بڈوانی میں ایک انتہائی دردناک واقعہ پیش آیا ہے ایک شوہر نے اپنی بیوی کا ناک کاٹ دیا۔

یہ واقعہ سلاود تھانہ علاقہ کے جھون جھرا گاوں کا ہے۔ جہاں ایک معمولی جھگڑے میں شوہر اپنے بھتیجے کے ساتھ مل کر بیوی کا ناک کاٹ کر فرار ہوگیا۔

سلاود تھانہ کی پولس افسر سی پاٹل نے بتایا کہ 30 سالہ پریمل بائی کی ناک کاٹنے کے الزام میں اس کے شوہر جگدیش اور اس کے بھتیجے انل کے خلاف مختلف دفعات کے تحت رپورٹ درج کی گئی ہے۔

انہوں نے بتایا کہ خاتون کا شوہر اپنے بھتیجہ کے ساتھ اسے اپنے ساتھ لینے آئے تھے لیکن پریمل بائی کے اگلے دن جانے کے مشورے پر دونوں ناراض ہوگئے ۔

خاتون جب پیاز کاٹ رہی تھی تو دونوں ملزمین نے مل کر اس کی ناک کاٹ دی اور موقع سے فرار ہوگئے۔

متاثرہ خاتون کوسرکاری اسپتال میں داخل کرایا گیا ہے۔

ڈاکٹروں کے مطابق خاتون کی ناک کو آپریشن سے جوڑنا ممکن نہیں ہے۔