شادی کے بعد دولہا دلہن کی مبینہ خودکشی

ریاست اترپردیش کے ضلع غازی آباد میں ایک انتہائی دردناک واقعہ پیش آیا ہے، جہاں شادی کے اگلے ہی دن دولہا کی لاش ریلوے ٹریک پر ملی۔

دولہے کی لاش دیکھ کر دلہن بھی صدمہ میں چلی گئی اور بالآخر اس نے بھی اپنی زندگی کو ختم کر ڈالا۔

یہ معاملہ غازی آباد کے علاقہ گووندا پورم کا ہے۔

یہ دراصل پرائیویٹ ٹیوٹر وشال اور آئی ٹی کمپنی میں کام کرنے والی نشا کی خوبصورت محبت کا دردناک انجام ہے۔

دونوں کی محبت 4 برس پہلے ہوئی تھی، پھر دونوں نے آپس میں شادی کرنے کا فیصلہ کیا ۔

دونوں غازی آباد میں رہتے تھے، گذشتہ دنوں دونوں کے خاندان والوں نے اس رشتہ کو منظوری دے دی تھی۔

شادی کے چار دن بعد دولہے کی لاش ملنے سے گھر کے اندر افرا تفری پیدا ہوگئی۔جہاں دو خاندانوں میں خوشیاں منائی جا رہی تھیں وہاں غم کے بادل منڈلانے لگے۔

اہل خانہ کے مطابق وشال کی لاش ریلوے ٹریک پر ملی ہے۔

مقامی افراد کہناہے کہ گھریلو وجوہات کی بنا پر وشال نے خودکشی کی۔ جب کہ اہل خانہ کی جانب ان باتوں کی تردید کی جا رہی ہے۔

اسی غم میں مبتلا ہوکر ان کی اہلیہ نشا نے بھی اپنی زندگی کو ختم کر لیا۔

یہ خوبصورت جوڑا شادی کے صرف چار دنوں کے اندر اس دنیا سے رخصت ہوگیا۔

پولیس کے مطابق خودکشی کے مقام سے کوئی سوسائڈ نوٹ نہیں ملا ہے۔

پولیس اس معاملہ کی تحقیق کر رہی ہے۔