ایس پی رہنما رام جی موریہ گولی کی سبب ہلاک

ایس پی کے رہنما رام جی موریہ کی مشتبہ حالت میں گولی لگنے کے سبب ہلاک ہوگئے۔

اترپردیش کے ضلع سلطانپور کے نگر کوتوالی حلقے میں سماجوادی پارٹی (ایس پی) کے رہنما رام جی موریہ کا مشتبہ حالت میں گولی لگنے کے سبب موت ہوگئی۔ پولیس ذرائع نے جمعہ کو یہ اطلاع دی۔

انہوں نے بتایا کہ کوتوالی حلقے کے شاستری نگر کے باشندے رام موریہ (40) جمعرات کی رات تقریباً 11 بجے کھانہ کھا رہے تھے۔ اسی دوران کمرے سے فائرنگ کی آواز آئی۔ اہل خانہ نے جب دیکھا تو ان کی کنپٹی پر گولی لگی تھی۔ انہیں نازک حالت میں سلطانپور کے ضلع ہسپتال میں داخل کروایا گیا لیکن ڈاکٹروں نے انہیں لکھنؤ ریفر کردیا جہاں ان کی موت ہوگئی۔

بادی النظر میں پولیس واردات کو خود کشی قرار دے رہی ہے۔ انہوں نے بتایا کہ موقع سے لائیسنسی ریوالور، ایک کھو کھا اور موبائل فون برآمد کیےگئے ہیں۔ پولیس واردات کی تفتیش کررہی ہے۔

غور طلب ہے کہ رام جی موریہ پہلی بار امیٹھی اسمبلی حلقے سے بی ایس پی کے ٹکٹ پر الیکشن لڑ چکے تھے۔ کچھ دن پہلے وہ ایس پی میں شامل ہوگئے تھے۔ کچھ روز قبل وہ ایس پی کے صدر اکھیلیش یادو سے ملاقات کرکے لوٹے تھے۔