امریکہ میں سافٹ ویر انجینئر نے خودکشی کرلی

ریاست آندھرپردیش کے ضلع چتور کے سافٹ ویر انجینئر نے امریکہ میں خودکشی کرلی۔

اطلاع کے مطابق ضلع چتور کے کورابلاکوٹہ منڈل کے مٹی واری پلی دیہات سے تعلق رکھنے والا دوارکا ناتھ امریکہ کی نیوجرسی میں مقیم تھا اور وہ امیزون کمپنی میں کام کرتا تھا۔
دوارکا نے نیند کی گولیاں کھا کر خودکشی کرلی۔اس کے اس انتہائی اقدام کی وجہ معلوم نہیں ہوسکی۔
اس کی خودکشی کی اطلاع ملتے ہی اس کے گھر میں غم کی لہر دوڑ گئی۔
اس کے رشتہ داروں نے بتایا کہ دوارکا ناتھ کو کسی بھی قسم کی معاشی پریشانی،گھریلو مسائل نہیں تھے۔اس کے پسماندگان میں اہلیہ کے علاوہ دو بیٹے ہیں۔