ریاست مہاراشٹر میں اورنگ آباد کرائم برانچ پولیس نے شہر کے پاش علاقوں میں جاری سیکس ریکٹ کا انکشاف کیا ہے۔
یہ سیکس ریکٹ راجندر نگر اور یشونت نگر کے دو فلیٹز میں چلائے جا رہے تھے۔
کرائم برانچ کی کارروائی میں ہائی پروفائل سیکس ریکٹ کا انکشاف کرتے ہوئے پولیس نے پانچ عورتوں اور چار گاہکوں کو گرفتار کیا ہے۔
سیکس ریکٹ کا پردہ فاش، سات لوگ گرفتار ذرائع کے مطابق پولیس کی گرفت میں آئے لوگوں میں ایک شاپنگ مال کا منیجر شامل ہے جبکہ فلیٹ سے برآمد عورتوں میں سے دو کا تعلق کولکاتہ ایک کا حیدرآباد اور ایک مقامی خاتون بھی شامل ہے۔
پولیس کا کہنا ہے کہ کارروائی میں غیر ملکی شراب، نقد رقم سمیت تقریباً پونے دو لاکھ روپئے کی مالیت کا سامان ضبط کیا گیا ہے۔
اس معاملے میں پنڈلک نگر پولیس اسٹیشن میں کیس بھی درج کیا گیا ہے۔
