راجستھان میں ضلع جُھنجھُنوکے چیڑاوہ کے پاس کُھڑیا گاؤں میں وکرانگی سینٹرکے اے ٹی ایم کو چوروں نے گذشتہ رات گیس کٹر سے کاٹا لیکن ہاتھ کچھ نہیں آیا۔
ذرائع کے مطابق چور اے ٹی ایم کو کاٹ کر اندر روپیوں کے چار باکس بھی ساتھ لے گئے، لیکن چوروں کے ہاتھ ایک روپیہ بھی نہیں لگاکیونکہ سریش کمار نے رات کو جاتے وقت اے ٹی ایم سے کیش نکال لیا تھا۔
چوروں نے اے ٹی ایم کو بری طرح سے نقصان پہنچایا ہے۔ اس کے بیلٹ، راڈ وغیرہ توڑ ڈالے۔ علاوہ ازیں سینٹر میں میں لگے دو سی سی ٹی وی کیمرے توڑدیے گئے اور کیمروں کی ریکارڈنگ کرنے والی این وی آر بھی اٹھا کر لے گئے۔
وکرانگی سینٹر آپریٹرسریش کمار نے بتایا کہ وہ رات کو شٹر ڈاؤن کرکے گھر چلاگیا تھا۔ صبح چھ بجے آکر دیکھا تو شٹر کے تالے ٹوٹے ہوئے تھے۔
اے ٹی ایم بھی اندر سے ٹوٹا ہوا تھا۔ کیمرے وغیرہ دیگر سامان ٹوٹے ہوئے تھے۔ وکرانگی سینٹرآپریٹرنے منڈریلا پولیس تھانے میں رپورٹ درج کروا دی ہے۔ پولیس نے معاملہ درج کر کے تفتیش کر رہی ہے۔