پرکاشم: لاری کے سامنے چھلانگ لگانے والے شخص کی موت

لاری کے سامنے کودنے والے شخص کا ہسپتال میں علاج چل رہا تھا۔ مریال گوڑہ پولیس نے اس سلسلہ میں ایک کیس درج کر کے جانچ شروع کر دی۔

ریاست آندھر پردیش کے ضلع پرکاشم میں لاپتہ لڑکی کے معاملہ کی جانچ کے لئے تحویل میں لئے گئے ایک شخص نے چلتی لاری کے سامنے کود کر خودکشی کی کوشش کی اور اسپتال میں علاج کے دوران اس کی موت ہو گئی۔

اس شخص کی شناخت اے پی کے ضلع پرکاشم کے کندوکور کے رہنے والے 28 سالہ وینکٹ راو کے طور پر کی گئی ہے۔ اس کو حیدرآباد سے تحویل میں لیا گیا اور اسے کار میں پولیس اسٹیشن منتقل کیا جا رہا تھا۔ اس نے متلی کی شکایت کرتے ہوئے کار روکنے کی پولیس سے خواہش کی، پولیس نے جیسے ہی کار روکی وہ نلگنڈہ ضلع کے کوتہ گوڑم گاوں کے قریب کار سے نکل کر وہاں سے گذرنے والی لاری کے سامنے کود پڑا۔

لاری کے پہیہ میں آ جانے کے سبب وہ شدید زخمی ہو گیا جس پر اس کو علاج کے لئے اسپتال منتقل کیا گیا جہاں علاج کے دوران اس کی موت ہو گئی۔ مریال گوڑہ پولیس نے اس سلسلہ میں ایک معاملہ درج کر کے جانچ شروع کر دی۔