کسٹمر سروس سینٹر سے ایک لاکھ دس ہزار روپے کی لوٹ

ریاست بہار کے ضلع سارن کے نگر پولیس آؤٹ پوسٹ علاقے سے ایس بی آئی کے کسٹمر سروس سینٹرز سے ایک لاکھ دس ہزار وپے کی لوٹ کی خبر ہے۔

اطلاعات کے مطابق ضلع سارن کے نگر پولیس آﺅٹ پوسٹ علاقہ کے اروا کوٹھی میں آج نامعلوم بدمعاشوں نے بھارتیہ اسٹیٹ بینک ( ایس بی آئی) کے کسٹمر سروس سینٹر ( سی ایس پی ) سے ایک لاکھ دس ہزار روپے لوٹ لیے۔
پولیس ذرائع سے ملی اطلاع کے مطابق اروا کوٹھی واقع بھارتیہ اسٹیٹ بینک کے آپریٹر پاسپت سنگھ عام دنوں کی طرح اپنا کام کر رہے تھے۔ اسی دوران تین موٹر سائیکلوں پر سوار سات بدمعاش وہاں پہنچے اور اسلحہ کا خوف دکھا کر آپریٹر کے ساتھ مار پیٹ کر کے ایک لاکھ دس ہزار روپے اور تین موبائل فون لوٹ کر فرار ہو گئے۔

ذرائع نے بتایا کہ واقعہ کی اطلاع ملنے پر پہنچی پولیس معاملے کی تفتیش کر رہی ہے۔ اس سلسلے میں متعلقہ تھانہ میں ایف آئی آر درج کرائی گئی ہے۔