این آئی اے نے بم دھماکہ ملزم کو گرفتار کیا

ریاست مدھیہ پردیش کے شہر اندور سے قومی تفتیشی ایجنسی (این آئی اے) نے بم دھماکوں کے مطلوب شخص کو گرفتار کیا ہے۔

تھانہ آزاد نگر علاقے سے این آئی اے نے ظہیر الشیخ نامی شخص کو حراست میں لیا ہے جس پر سنہ 2014 میں مغربی بنگال کے ضلع بردوان میں ہونے والے بم دھماکے کا الزام ہے۔

تفصیلات کے مطابق گرفتار شدہ شخص کافی وقت سے پولیس کو مطلوب تھا اور اس کا تعلق شدت پسند تنظیم جماعت مجاہدین تنظیم سے بتایا جا رہا ہے۔

گرفتار شدہ شخص کا تعلق ریاست مغربی بنگال کے ضلع ندیا سے ہے جبکہ وہ کافی وقت سے مدھیہ پردیش کے شہر اندور میں روپوش تھا۔

این آئی اے نے مذکورہ شخص کے قبضے سے ایک کار بھی ضبط کی ہے اور مزید تحقیقات کر رہی ہے۔