بانڈی پورہ: رائس مل مالک اور ڈرائیور کی حادثاتی موت

مرکز کے زیر انتظام علاقہ جموں و کشمیر کے ضلع بانڈی پورہ کے شاہ گنڈ علاقے میں پیر کے روز رائس مِل کے مالک اور ڈرائیور کی مشین میں پھنس جانے کی وجہ سے موت ہوگئی۔

بانڈی پورہ کے شاہ گنڈ سوناواری میں ہلاک ہونے والے افراد رائس مل میں کام کر رہے تھے اور وہ اس دوران مشین میں پھنس جانے کی وجہ سے ہلاک ہو گئے- اگرچہ مقامی لوگوں نے انہیں فوراً ہسپتال پہنچایا۔ تاہم ڈاکٹرز نے انہیں مردہ قرار دے دیا-

ایک پولیس اہلکار نے اس واقعے کی تصدیق کرتے ہوئے بتایا کہ مل کے مالک کی شناخت عبدالمجید ڈار ولد عبدالکریم کریم ڈار کے طور پر ہوئی ہے-

مہلوک کے اہل خانہ کے مطابق وہ کئی برسوں سے رائس مل سے منسلک تھے اور وہ اس کام میں کافی ماہر تھے۔ تاہم پیر کو وہ اسی مشین میں پھنس گئے اور ہلاک ہوگئے-

پولیس اس سلسلے میں مزید تحقیقات کر رہی ہے اور اصل وجوہات کا پتہ لگانے کی کوشش کی جا رہی ہے۔