مالیگاؤں: رشوت خوری کا انوکھا طریقہ، خاتون ٹریفک پولس اہلکار کی حرکت کیمرہ میں قید

مہاراشٹر کے شہر مالیگاؤں میں ایک خاتون ٹریفک پولیس اہلکار کی رشوت لیتے ہوئے ویڈیو وائرل ہورہی ہے۔ اس ویڈیو میں ایک لڑکی، خاتون پولیس اہلکار کی جیب میں پیسے رکھتے ہوئے نظر آرہی ہے۔

شہر مالیگاؤں میں مقامی ٹریفک پولس کی ایک خاتون پولیس اہلکار نے کارروائی سے بچنے کے لئے رشوت لینے کا ایک نیا طریقہ اپنایا ہے، جو ایک ویڈیو کے ذریعے سامنے آیا۔ویڈیو میں صاف طور سے نظر آرہا ہے کہ ایک ٹریفک پولس اہلکار کی جیب میں ایک طالبہ رقم ڈالتے ہوئے نظر آرہی ہے۔

اطلاع کے مطابق ٹریفک پولس کی اس خاتون اہلکار نے کارروائی سے بچنے کے لئے رشوت لینے کا ایک نیا طریقہ نکالا ہے۔

واضح رہے کہ یہ ویڈیو مالیگاؤں کے شگن چوک موسم پل کا ہے، جہاں گزشتہ دنوں ٹریفک سگنل کا آغاز کیا گیا تھا۔ٹریفک سگنل کی شروعات کے بعد مقامی ٹریفک پولس کی ذمہ داریاں اور بڑھ گئی ہیں۔ایسے میں ہر روز سگنل پر پولس انتظامیہ کے اعلی افسران کی موجودگی رہنے لگی ہے۔وہیں دوسری طرف خاتون ٹریفک پولس اہلکار نے رشوت خوری کا انوکھا طریقہ شروع کردیا ہے۔صرف اتنا ہی نہیں یہ خاتون پولس رشوت کی رقم اپنی پتلون کی پچھلی جیب میں رکھنے کو کہتی ہے۔

مزید تفتیش کے بعد معلوم ہوا کہ یہ ویڈیو اسی سڑک کے قریب میں موجود عمارت پر سے کچھ بچوں نے فلمایا تھا.جو اس وقت شہر بھر میں چرچا کا موضوع بنا ہوا۔

اس معاملے میں پمپری چنچواڑ ٹریفک برانچ کے اسسٹنٹ کمشنر آف پولس سریکانت ڈسلے نے یہ ویڈیو دیکھنے کے بعد کہا کہ اس پر توجہ دی جائے گئی اور ویڈیو کی تحقیقات کی جائے گی اور متعلقہ پولس اہلکاروں کے خلاف سخت کارروائی کی جائے گی۔ساتھ میں ویڈیو میں نظر آنے والے دوسرے ملازمین سے بھی پوچھ گچھ کی جائے گی۔جو ملازمین محکمہ کو داغدار کرنے کی کوشش کرتے ہے.اس کے خلاف سخت کارروائی کی جائے گی۔موصوف نے مزید کہا کہ اس بات کو بھی یقینی بنایا جائے گا کہ اس طرح کی ناجائز کاروائی دوبارہ نہ ہو۔