مرادآباد: ہرسہایہ مل جویلرس کے تمام شوروم پر انکم ٹیکس کی چھاپے ماری

ریاست اتر پردیش کے مرادآباد کے کانٹھ روڈ پر واقع مشہور ہرسہایہ مل جویلرس کے شو روم پر آج انکم ٹیکس کی ٹیم نے چھاپہ ماری کی۔انکم ٹیکس محکمہ نے پیر کے روز مرادآباد، بریلی اور بدایوں سمیت کئی شہروں میں موجود ہرسہایہ مل جویلرس کے شوروم پر ایک ساتھ چھاپہ ماری کی۔

مرادآباد میں آج انکم ٹیکس محکمہ کی ٹیم نے کانٹھ روڈ پر مشہور ہر سہایہ مل جویلرس کے شوروم پر چھاپہ ماری کی۔انکم ٹیکس کی کئی ٹیموں نے چھاپہ مار کر ٹیکس چوری کے معاملے میں جانچ پڑتال کرنا شروع کردی گئی ہے۔

انکم ٹیکس محکمہ نے ہرسہایہ مل جویلرس کے مرادآباد، بریلی اور بدایوں میں موجود تمام شو روم میں چھاپہ ماری کی۔جہاں جہاں بھی انکے شوروم موجود ہیں، ان سبھی پر چھاپہ ماری کر کاغذات کی جانچ کی جارہی ہے۔

انکم ٹیکس کی ٹیم نے صبح دس بجے چھاپے ماری کر ہرسہایہ جویلرس پر ٹیکس چوری کے معاملے میں اپنی چانچ پڑتال شروع کردی ہے۔انکم ٹیکس کی ٹیم رات کے آٹھ بجے تک اسی کارروائی میں لگی ہوئی تھی۔انکم ٹیکس کی ٹیم نے شوروم کے اندر آنے اور جانے پر پوری طرح سے پابندی لگادی ہے۔

اطلاع کے مطابق انکم ٹیکس ٹیم نے شوروم کے دستاویز لیپ ٹاپ اور سی سی ٹی وی فوٹیج کو اپنے قبضے میں لے لیا ہے۔یہ معاملہ کروڑوں روپے کی ٹیکس چوری کا بتایا جا رہا ہے