بجنور: بیوی سے جھگڑے کے بعد شوہر کی مبینہ خودکشی

ریاست اترپردیش کے ضلع بجنور میں ایک شخص نے اپنی بیوی سے جھگڑے کے بعد مبینہ طور پر خودکشی کر لی۔

یہ واقعہ گذشتہ شب کا ہے، جبکہ ایک شخص نے گھر کے اندر اپنی بیوی سے لڑائی کے بعد پھانسی لگا کر خودکشی کر لی۔

مقامی افراد کی اطلاع کے بعد پولیس موقعہ واردات پر پہنچی اور لاش کو اپنی تحویل میں لے کر پوسٹ مارٹم کے لیے بھیج دیا۔

ہلاک ہونے والے شخص کے رشتہ دار کے مطابق بیوی سے لڑائی کے بعد خودکشی کا معاملہ ہوا ہے۔

پولیس اس معاملے میں مزید تحقیقات کر رہی ہے۔

خبر لکھے جانے تک کسی کی گرفتاری عمل میں نہیں آئی تھی۔