سدھارتھ نگر: گرام پنچایت سکریٹری معطل

ریاست اتر پردیش کے ضلع سدھارتھ نگر میں مالی خرد برد اور گڑبڑی کے معاملے میں گرام پنچایت افسران کو معطل کر دیا گیا ہے۔

ریاست اترپردیش کے ضلع سدھارتھ نگر میں مہاتما گاندھی روزگار گارنٹی ایکٹ کے تحت مالی خردبرد اور مزدوروں کو روزگار دینے میں گڑبڑی کرنے کے معاملے میں گرام پنچایت افسران کو معطل کر دیا گیا ہے۔

آفیشیل ذرائع نے ہفتہ کو بتایا کہ ڈپٹی کمشنر مزدور روزگار سنجے شرما نے جمعہ کو بڑھنی بلاک کے پتھردیوا گرام پنچایت کا اچانک معائنہ کرنے کے دوران ماسٹر رول میں 632مزدوروں کی جگہ موقع پر 326مزدوروں کو ہی کام کرتے پایا۔ اس کے علاوہ نو مویشی شلٹر ہوم کی رقم جاری ہونے کے باوجود موقع پر کام ادھورا پایا گیا۔

انہوں نے بتایا کہ شرما نے اس گڑبڑی کے لئے روزگار سیوک رام سورت یادو کی خدمات ختم کرنے کے ساتھ گرام پنچایت افسر مہیشوری پرساد پانڈے کو بھی معطل کردیا ہے۔

مہاتما گاندھی روزگار گارنٹی ایکٹ کے تحت کنٹریکٹ پر کام کرنے والے تکنیکی معاون برہانند مشرا، اکاونٹ اسسٹنٹ دویندر کمار سریواستو، کمپیوٹر آپریٹر رام کمار وشو کرما اور اضافی پروگرام افسر پرمود کمار کی تنخوہیں روک دی ہیں۔