جعل سازی کے الزام میں دوٹیچرز پر ایف آئی آر

بستی میں فرضی سرٹیکیٹ لگاکر ملازمت حاصل کرنے والے دو ٹیچرز کا معاملہ منظرعام پر آیا ہے۔

ریاست اترپردیش کے ضلع بستی میں بیسک ایجوکیشن کونسل کے ایک سکول میں دوسرے کا سرٹیفکیٹ لگا کر ملازمت حاصل کرنے والے دو ٹیچرز کے خلاف مقدمہ درج کیا گیا ہے۔

آفیشیل ذرائع نے آج بتایا کہ بیسیک ایجوکیش کونسل کے سکولز میں فرضی ٹیچرز کی جانچ کے لیے چلائی جارہی مہم کے تحت سونہا علاقے کےجونیئر ہائی سکول کٹایا کے اسسٹنٹ ٹیچر وپن کمار گپتا اور جونئر ہائی سکول بڑھیا سردہا کے پرنسپل دھرو نارائن کے سبھی کاغذات خود ساختہ اور فرضی پائے گئے ہیں۔

بستی میں فرضی سرٹیکیٹ لگاکر ملازمت حاصل کرنے والے دو ٹیچرز کا معاملہ منظرعام پر آیا ہے

واضح رہے کہ دونوں ٹیچر دوسرے کے نام پر ملزمت کررہے تھے۔ جانچ میں حقیقت کا انکشاف ہونے پر فرضی کام کرنے کے الزام میں ٹیچرز کے خلاف دفعہ 419، 420، 467، 468 اور 471 کے تحت مقدمہ درج کرایا گیا ہے۔