پولیس اور بدمعاشوں کے درمیان تصادم

ریاست اترپردیش کے ضلع مظفر نگر کے تھانہ کھتولی کے علاقہ بواڈا گاؤں کے پاس نہر کے قریب پولیس اور بدمعاش کے مابین تصادم میں دو بدمعاش زخمی۔

تصادم میں فرید اور شاکر نامی دو مبینہ بدمعاشوں کے پیر میں گولی لگنے سے زخمی ہونے کی خبر ہے۔ جبکہ پولیس نے فرار بدمعاشوں میں سے مزید دو کو گرفتار کرنے کا دعوی کیا ہے۔ گرفتار کیے گئے سبھی بدمعاشوں پر لوٹ مار سمیت متعدد مقدمات درج بتائے جارہے ہیں۔'

پولیس گرفتار کیے گئے بدمعاشوں کے تعلق سے مزید معلومات جمع کررہی ہے۔

زخمی بدمعاشوں کے تعلق سے کہا جارہا ہے کہ وہ مظفر نگر کے کوتوالی علاقے کے محلہ خالاپار کے ہیں۔ وہیں فرار مبینہ بدمعاشوں میں عدنان اور امان نامی کو بھی پولیس نے گرفتار کرنے کا دعوی کیا ہے۔

پولیس کا کہنا ہے کہ انہوں نے ان کے قبضے کئی چیزیں برآمد کی ہے۔