اٹاوہ:عمر رسیدہ شخص کا گولی مار کر قتل

ریاست اترپردیش کے ضلع اٹاوہ کے بکیورعلاقے میں جمعرات کو بائیک سوار بدمعاشوں نے ایک عمررسیدہ شخص کو گولی مار کر قتل کردیا۔

سپرنٹنڈنٹ آف پولیس اوم ویر سنگھ نے بتایا کہ گھگھسینا گاؤں باشندہ جگموہن سنگھ بھدوریہ(55)صبح تقریبا 11بجے گاؤں کے ایک دیگر شخص سنتوش کے ساتھ تین کلو میتر دو واقع گرام لدھیانی بہن کے گھر گئے تھے۔

جہاں کچھ دیر رکنے کے بعد وہ اپنے گھر واپسی کے لئے روانہ ہوئے۔

سنتوش نے بتایا کہ وہ سائیکل چلا رہے تھے اور جگموہن پیچھے بیٹھا تھا کہ گھگھ سینا گاؤں کے نزدیک آدھا کلو میٹر پہلے لدھیانی شاہراہ کی طرف سے ہی ایک بائیک پر سوار ہوکر آئے دو افراد نے جگموہن کے پیٹ میں گولی مار دی۔

جس سے دونوں سائیکل سمیت گر گئے۔

جگموہن گولی لگنے کے بعد مدد کے لئے پکارتا ہوا گاؤں کی طرف بھاگا کہ موٹر سائیکل سوار بدمعاشوں نے پیچھے سے آکر اس کے سر میں ایک اور گولی مار دی۔

جس سے جگموہن وہیں گرگیا اور اس کی موقع پر ہی موت ہوگئی۔سنتوش نے گاؤں پہنچ کر مقامی افراد کو واردات کی اطلاع دی۔
اڈیشنل سپرنٹنڈنٹ آف پولیس نے بتایا کہ بائیک سوار بدمعاشوں نے اسی دو گولی ماری ہے۔

معاملے کی چھان بین کی جارہی ہے۔

فورنسک ٹیم نے موقع پر پہنچ کر ثبوت یکجا کئے ہیں۔