نئی دہلی : سی آر پی ایف جوان کی خودکشی کی کوشش

سینٹرل ریزرو پولیس فورس (سی آر پی ایف) کے ایک جوان نے قومی دارالحکومت دہلی میں پاکستان ہائی کمیشن کے قریب گولی مار کر خود کشی کرنے کی کوشش کی۔

پولیس کے ایک افسر نے بتایا کہ تقریباً ساڑھے تین بجے سی آر پی ایف کے جوان نے اپنے سروس ہتھیار سے خود کو گولی مار لی۔

اس کی شناخت کانسٹیبل ڈی رام بابو کے طور پر ہوئی ہے۔

جوان کے ساتھی نے اسے زخمی حالت میں ایمس پہنچایا جہاں اس کا علاج جاری ہے۔

انہوں نے کہا کہ خود کشی کی کوشش کرنے کی وجہ فی الحال معلوم نہیں ہو سکی ہے۔

پولیس معاملے کی تفتیش کر رہی ہے۔