اعظم گڑھ میں دولہے کا گولی مار کر قتل

ریاست اترپردیش کے ضلع اعظم گڑھ میں دو نامعلوم شرپسندوں نے دولہے کو گولی مار دی اور سر میں گولی لگنے سے دولہے کی موقع پر موت ہو گئی۔

اس واقعے کے بعد موٹر سائیکل سوار فرار ہوگئے۔

واقعے کی اطلاع ملتے ہی پولیس نے ناکہ بندی کی اور چیکنگ شروع کردی لیکن دیر رات تک کوئی کامیابی حاصل نہیں ہو سکی۔

دیوگاؤں کوتوالی کے علاقے مسیر پور کے قریب دیر رات ایک جلوس میں شامل ہونے والے دو نوجوانوں نے کار میں بیٹھے ہوئے دولہے سمیت پر فائرنگ کردی۔ گولی کار سے براہ راست سمیت کے سر میں لگی۔ باراتی دولہے کو فوراً قریب کے اسپتال لے گئے جہاں ڈاکڑوں نے اسے مردوہ قرار دے دیا لیکن باراتیوں نے ناراضگی کا اظہار کرتے ہوئے اسپتال میں توڑ پھوڑ کی۔

دوسری طرف ، جب لال گنج مارکیٹ میں واقع ایک میرج ہال میں شادی کی خبر پہنچی تو افراتفری پھیل گئی۔ شادی کا ماحول سوگ میں بدل گیا۔

پولیس تحقیقات میں مصروف ہے، کہا جاتا ہے کہ گولی مارنے والا شخص دلہن کا سرپھرا عاشق تھا۔